Matthew 2
ពួកតារាវិទូស្វែងរកបុត្រតូចយេស៊ូ
1កាលព្រះយេស៊ូប្រសូតនៅភូមិបេថ្លេហិមស្រុកយូដានៅក្នុងរាជ្យស្ដេចហេរ៉ូឌ ▼▼«ស្ដេចហេរ៉ូឌ» ជាស្តេចគ្រងរាជ្យលើប្រទេសអ៊ីស្រាអែលឆ្នាំ ៣៧ដល់ឆ្នាំទី៤ មុនគ.ស។ ឈ្មោះនេះមាននៅក្នុងខ ៣,៧,១២,១៣,១៥,១៦,១៩ និង ២២។
នោះមាន ▼▼«ពួកតារាវិទូរ» ជាពួកសង្ឃសម័យបុរាណ មានជំនាញសិក្សាអំពីផ្កាយ។ ពាក្យនេះមាននៅក្នុង ២:៧,១១។
ពួកតារាវិទូពីទិសខាងកើតបានចូលមកដល់ក្រុងយេរូសាឡិម 2សួរគេថា៖ «តើព្រះអង្គដែលប្រសូតមកជាស្ដេចជនជាតិយូដានោះនៅឯណា? ដ្បិតយើងបានឃើញផ្កាយរបស់ព្រះអង្គនៅទិសខាងកើតហើយយើងមកដើម្បីថ្វាយបង្គំព្រះអង្គ»។ 3ពេលឮដូច្នេះស្ដេចហេរ៉ូឌនិងមនុស្សទាំងអស់នៅក្នុងក្រុងយេរូសាឡិមក៏ព្រួយចិត្តជាមួយស្ដេចដែរ។ 4ពេលកោះប្រជុំពួកសម្ដេចសង្ឃនិងពួកគ្រូវិន័យទាំងអស់របស់ប្រជាជនស្ដេចបានសួរពួកគេពីកន្លែងដែលព្រះគ្រិស្ដប្រសូត 5គេទូលស្ដេចថា៖ «នៅភូមិបេថ្លេហិមក្នុងស្រុកយូដាដ្បិតដូចបានចែងទុកតាមរយៈអ្នកនាំព្រះបន្ទូលថា 6នែភូមិបេថ្លេហិមក្នុងស្រុកយូដាអើយក្នុងចំណោមអ្នកគ្រប់គ្រងស្រុកយូដាអ្នកមិនអន់ជាងគេឡើយព្រោះនឹងមានអ្នកគ្រប់គ្រងម្នាក់ចេញពីអ្នកមកហើយគ្រប់គ្រងលើអ៊ីស្រាអែលជាប្រជាជនយើង ▼▼«នែភូមិបេថ្លេហិម...ប្រជាជនយើង» សូមមើល មីកា ៥:២។
»។ 7បន្ទាប់មកស្ដេចហេរ៉ូឌបានហៅពួកតារាវិទូមកជាសម្ងាត់ដើម្បីសួរបញ្ជាក់គេពីពេលវេលាដែលផ្កាយរះឡើង។ 8ពេលចាត់ពួកតារាវិទូទាំងនោះទៅភូមិបេថ្លេហិមស្ដេចមានបន្ទូលថា៖ «ចូរទៅសាកសួរពីបុត្រតូចនោះឲ្យបានច្បាស់ពេលអ្នករាល់គ្នារកឃើញហើយសូមប្រាប់ខ្ញុំផងដើម្បីឲ្យខ្ញុំទៅថ្វាយបង្គំព្រះអង្គដែរ» 9ដូច្នេះគេក៏ស្ដាប់តាមស្ដេចហើយចេញទៅឯផ្កាយដែលគេឃើញនៅទិសខាងកើតនោះបាននាំមុខពួកគេរហូតមកដល់កន្លែងដែលបុត្រតូចនៅហើយក៏ឈប់នៅចំពីលើនោះ 10កាលបានឃើញផ្កាយនោះពួកគេមានសេចក្ដីត្រេកអរនិងរីករាយជាខ្លាំង 11ពេលចូលមកក្នុងផ្ទះពួកគេក៏ឃើញបុត្រតូចនៅជាមួយនាងម៉ារាជាម្ដាយពួកគេក៏ក្រាបថ្វាយបង្គំព្រះអង្គព្រមទាំងបើកយកទ្រព្យសម្បត្ដិរបស់ខ្លួនថ្វាយដល់ព្រះអង្គជាតង្វាយមានមាស ▼▼«មាស កំញ៉ាន និងជ័រក្រអូប» ជាវត្ថុមានតម្លៃបំផុតនៅសម័យនោះ ជាជំនូនសម្រាប់អ្នកមានឋាន:ខ្ពង់ខ្ពស់។ «កំញ៉ាន និងជ័រក្រអូប» ជាជ័រឈើម្យ៉ាងមានក្លិនក្រអូប ដែលគេប្រើជាគ្រឿងក្រអូបនៅសម័យបុរាណ។
កំញ៉ាននិងជ័រក្រអូប។ 12រួចពួកគេក៏វិលត្រលប់ទៅស្រុករបស់ខ្លួនវិញតាមផ្លូវមួយផ្សេងទៀតព្រោះពួកគេបានទទួលការព្រមានក្នុងយល់សប្ដិមិនឲ្យត្រលប់ទៅឯស្ដេចហេរ៉ូឌវិញ។ គ្រួសារព្រះយេស៊ូគេចខ្លួនទៅស្រុកអេស៊ីព្ទ
13ពេលពួកតារាវិទូចេញផុតនោះទេវតារបស់ព្រះអម្ចាស់បានលេចឲ្យលោកយ៉ូសែបឃើញក្នុងយល់សប្ដិដោយនិយាយថា៖ «ក្រោកឡើង! ចូរនាំបុត្រតូចនិងម្ដាយគេចខ្លួនទៅស្រុកអេស៊ីព្ទហើយនៅទីនោះរហូតដល់ខ្ញុំប្រាប់អ្នកម្ដងទៀតដ្បិតស្ដេចហេរ៉ូឌរកសម្លាប់បុត្រតូចនេះហើយ» 14ដូច្នេះគាត់ក៏ក្រោកឡើងនាំបុត្រតូចនិងម្ដាយចេញដំណើរទៅស្រុកអេស៊ីព្ទទាំងយប់ 15ហើយបាននៅទីនោះរហូតដល់ស្ដេចហេរ៉ូឌស្លាប់ដើម្បីសម្រេចសេចក្ដីដែលព្រះអម្ចាស់មានបន្ទូលតាមរយៈអ្នកនាំព្រះបន្ទូលថា៖ «យើងបានហៅកូនយើងចេញពីស្រុកអេស៊ីព្ទមក ▼▼«យើងបាន...មក» សូមមើលហូសេ ១១:១។
»។ ស្ដេចហេរ៉ូឌសម្លាប់រំគាលក្មេងៗ
16បន្ទាប់ពីស្ដេចហេរ៉ូឌដឹងថាចាញ់បោកពួកតារាវិទូក៏ខឹងយ៉ាងខ្លាំងរួចបានចាត់គេឲ្យទៅសម្លាប់ក្មេងប្រុសទាំងអស់ចាប់ពីអាយុពីរឆ្នាំចុះទាំងនៅក្នុងភូមិបេថ្លេហិមនិងនៅក្បែរភូមិនោះយោងតាមពេលវេលាដែលស្ដេចបានសួរបញ្ជាក់ពួកតារាវិទូ។ 17ការនោះបានសម្រេចសេចក្ដីដែលបានថ្លែងតាមរយៈលោកយេរេមាជាអ្នកនាំព្រះបន្ទូលថា៖ 18«គេឮសំឡេងនៅភូមិរ៉ាម៉ាជាការទ្រហោយំនិងការកាន់ទុក្ខសោកសៅឯនាងរ៉ាជែលទ្រហោយំដោយព្រោះកូនឥតក្សាន្តចិត្តសោះដ្បិតកូនរបស់នាងបានស្លាប់ ▼▼«គេឮ...ហើយ» សូមមើល យេរេ ៣១:១៥។
អស់ហើយ»។ គ្រួសារព្រះយេស៊ូផ្លាស់ទៅក្រុងណាសារ៉ែត
19ពេលស្ដេចហេរ៉ូឌស្លាប់ហើយទេវតារបស់ព្រះអម្ចាស់ក៏លេចមកឲ្យលោកយ៉ូសែបឃើញក្នុងយល់សប្ដិនៅស្រុកអេស៊ីព្ទ 20ដោយប្រាប់ថា៖ «ក្រោកឡើង! ចូរនាំបុត្រតូចនិងម្ដាយទៅស្រុកអ៊ីស្រាអែលវិញព្រោះអ្នកដែលរកសម្លាប់បុត្រតូចនេះបានស្លាប់ហើយ»។ 21ដូច្នេះគាត់បានក្រោកឡើងនាំបុត្រតូចនិងម្ដាយចូលក្នុងស្រុកអ៊ីស្រាអែលវិញ 22ប៉ុន្ដែពេលគាត់ឮថាស្ដេចអើខេឡោសសោយរាជ្យនៅស្រុកយូដាបន្តពីហេរ៉ូឌជាបិតានោះគាត់មិនហ៊ានទៅទីនោះទេហើយដោយមានការព្រមាននៅក្នុងយល់សប្ដិគាត់បានចេញដំណើរទៅស្រុកកាលីឡេវិញ 23ពេលមកដល់គាត់បានតាំងលំនៅក្នុងក្រុងមួយឈ្មោះណាសារ៉ែតការនោះបានសម្រេចសេចក្ដីដែលបានថ្លែងទុកតាមរយៈអ្នកនាំព្រះបន្ទូលថា៖ «គេនឹងហៅព្រះអង្គថាអ្នកក្រុងណាសារ៉ែត»។
Copyright information for
KhmKCB